დორტმუნდის "ბორუსიას" ყოფილმა მწვრთნელმა მის სამომავლო გეგმებზე ისაუბრა.
შეგახსენებთ, რომ გერმანელმა სპეციალისტმა "სიგნალ იდუნა პარკიდან" წასვლის შესახებ 16 აპრილს განაცხადა.
რა თქმა უნდა, კლოპის აყვანით ბევრი გრანდი ინტერესდებოდა, თუმცა 47 წლის სპეციალისტმა დასვენება ამჯობინა.
"მე შესვენება გადავწყვიტე. შვიდი წლის განმავლობაში ემოციურად და დაუსვენებლად ჩემს საქმეს ვაკეთებდი და დროა, ამ ტვირთისგან დავისვენო. ვფიქრობ, აუცილებელია ყველა ეს მოგონება კარგად გავაანალიზო და შემდეგ, ახალ გუნდს მთელი პასუხისმგებლობით ჩავუდგე სათავეში,"-განუცხადა კლოპმა Goal.Com-ს.