იტალიის ჩემპიონატის ბოლო ტურის მატჩში ერთმანეთს მილანის “ინტერი” და “ემპოლი” დაუპირისპირდნენ. შეხვედრა ორივე გუნდის გარდამავალი უპირატესობით მიმდინარეობდა და საბოლოოდ, მასპინძელთა გამარჯვებით 4-3 დასრულდა.
აღსანიშნავია, რომ “ინტერის” წინააღმდეგ ძირითად შემადგენლობაში ითამაშა “ემპოლის” ქართველმა ლეგიონერმა ლევენ მჭედლიძემ, რომელიც მთელი თამაშის განმავლობაში ძალიან აქტიური იყო და დუბლიც შეასრულა. მან მეტოქის კარი 59-ე და 88-ე წუთებზე აიღო.
2014/15 წლების სერია ა-ს სეზონში ლევან მჭედლიძემ “ემპოლის” რიგებში 4 გოლი გაიტანა. შეგახსენებთ, რომ “პოლონეთთან” გასამართი შეხვედრისთვის საქართველოს ეროვნული ნაკრების მთავარმა მწვრთნელმა კახა ცხადაძემ ის 24 კაციან სიაში შეიყვანა.
